SIM Card tips

Kan tangkaipui tur tak ni a ka hriat avangin SIM Card tips hi kan dah ve reng reng ang e.

AIRTEL
Main Bal/Int pck/sms pck - *121*2#
INT settings - sms 'FUN' or 'MO' to 543210
UNSUB(VAS) - 'STOP' 121
COMPANY call - START 0 to 1909
SIM no.enna - *282#
BAL Transfer na - Dial*141*1#
LOAN pukna - *141*10#
BAL atanga internet pck activate na -*567# , Sms pck act na - *444#
PUK - sms PUK(Space)i no. To 9862341400
Msg centre No. - 919862029007

RELIANCE
Main BAL - *306#
Sms pck/min Bal - *367*2#
INT pck - Sms 'MBAL' to 55333
INT settings - Sms 'ALL' to 55100
UNSUB(VAS) - 'STOP' to 155223
COMPANY Call - START 0 to 1909
SIM NO.enna - *1#
BAL Transfer na - Dial *367*3#
LOAN pukna - Sms 'YCR' to 51234
MSG centre no. - 919863002222

AIRCEL
Main BAL - *125# OR *128#
INT pck - *129#
INT settings - sms 'PI' or 'ALL' to 121
UNSUB (VAS) - 'STOP' to 155223
COMPANY call - call 1909
SIM no enna - *234*4# or *131# or *1#
BAL transferna - Dial *122*666#
PUK - PUK(space)i no. To 121 pin no.cu 12345
MSG Centre No.- 919854099060

BSNL
Main BAL- *123# or *112#
MSG Pck - *123*2#
INT pck - *123*10#
INT Settings - sms 'LIVE' to 58355
UNSUB (VAS) - Dial *456*00#
COMPANY Call - START 0 to 1909
SIM no.enna - *8888# or dial 164 or 24365
BAL Transfer na - sms GIFT(space)I no.pekna tr(space)Amountto 53733
LOAN pukna - sms 'CREDIT' to 53738
MSG centre no.- *949434099997

VODAFONE
Main BAL - *141#
MSG Pck - *142#
INT pck - *111*6*2#
INT settings - sms 'VL' or 'VMC' to 52586
UNSUB(VAS) - Dial *321# or sms 'STOP' to 321
SIM no.enna - *111*2#
BAL Transferna - Dial *131*amount*i thwnna tr no.
LOAN pukna - sms 'CREDIT' to 144
BAL atang a sms/Net pack act na -*444#
PUK - 111 cal la cuan a rwn can dan ang ce khan tian i hmetjel dwn nia 6# - 2#- i no.
MSG centre No.- 919774099990

IDEA
Main BAL - *212#
MSG pck - *161*1#/*212*48#
INT pack - *125#
INT settings - sms 'SET' to 54671
UNSUB (VAS) - sms 'STOP' to 54300
SIM no.enna - *147*8*2#
BAL transfer na - *567*i no.pek tr(space)Amount#
LOAN Puk na - Dial 53555
BAL atanga int pck activate na -*888*5or 13 or 47 or 98#
BAL atanga Msg pck act na - *123*10# or *123*9#
PUK - sms PUK(spce)18digit no.(i simcrd hnung ami kha) to 50505

Piallei

Aw, mim ang ka pianna piallei,
I lunglai ka dum zo reng emàw;
Dàwn tamlo lungmawl ka kut hlei,
Chhim thlipui iang i lo tuar si maw!

Vui leh vai thu i aupui lo,
I chhûngah nawm tinrêng ka mák.
I thin nat tur reng ka dawn lo,
Nun nuam chauh zawngin ka vák.

Chinlem neilo ka lei hringnun,
Nang dawn lo ten ka chhiar zel a,
A lo sei ta ka nun hrui thlun,
Hai ang tarin ka lo chuai a.

Hlun lo tur chu ka lo fam ta,
Nghilh lohnan mi hrâng min vuah e!
I thuah riat hnuai ka lo zâl ta,
Duatten nangin min pawm leh e!

            Kan ruangam chu lei hmanga din niin, he leiah hian duh reng vang ni hauh lovin kan lo piang a. Piang ta na chu theihtawpin mahni ṭanghma kan hai a. Khawvel hausakna te umin theih tawp kan chhuah a, kan pian ve hma a ta tawh Leilungin a enkawl seilen- thing leh mau te, tuialhthei te leh nungcha te thlengin duhtawk kan suat a, kan ti chereu a. Mahse he leilung hian kan lakah vui thu reng a sawi ngai lo. Kumhlun tur kan nih loh avangin kan hringnun zinkawng zawh tawp hun a lo hnai a, theihtawp chhuah a in hai vur ta hrim chu mi te hriat hlawh a hlawhtling ta te pawh kan awm. Tichuan, hringnun kawng chu kan zawh tawp a, kan lei taksa chu kir leh tawh ngai lo turin lei hnuai a phum bo a lo ni leh ta a. Duhtawka a hausakna kan tlansak; he PIALLEI bawk hi kan tisa ṭawihral tur lo kuangkuah a lo pawm leh tu chu a ni lawi si. Siamtu min siam a chin a bul min ṭan saktu leh a tawp thlenga min chawitu chu he leilung ngei hi a ni e.

(13.4.2012 12 : 00 a.m a ka ziah)

'Hringnun' ka menpui!!

Zanlai pelhna pawh minute sawmriat chuang a ni leh tawh a, a khât tawka ral lehlama motor tlan ri bak thawm dang hriat tur a awm tawh lo. Leilung mawinate chu zan thim rorelna chuan a hliah bo zova, chêng tam tak senga sak inchhawng ropui tak takte pawh tih thim a awmin, rauhsan ang maiin khawpui chu a reh ruih tawh. Mita hmuh theih chu  nise zawng, mumang hrang hrang thlawk noh noh chu thil che vel hmuh tur awmchhun a ni ta ve ang.

Zantin a ‘mangtha’ tia thu ka thawn thin ka thenrual te pawh mumang ramah an cheng zo tawh a, mang tha mang hlawm tak maw! A hrat zual thenkhatte erawh chuan khawvel pang lehlam a thian thar siam tumin khâwl thluak nei hmaah bawp an la khawkherh mahna! Ka hre lo le..! Kei pawhin inthawlh mai theih tura ka buatsaih tawh ka mutbu chu ka la luah lum hlei thei lo. Engdang vang nilovin Hringnun tih thumal hian ka lung a tileng tlat mai! Ka khum sira tukverhah chuan dakchhuak in ka hun kal tawhte ka han thlirkir a, Ka hringnun bul tantu ka nu leh pa ka ngaihtuah chhuak hmasa ber; Kaih leh hruai ngai ka nih laia kan sikul kawt ni sensa pawh tuar dai thaka min lo nghak fan fan thintu, ka Nu min hmangaihna ropui ka lo hriatthiam ngai lohzia te, rawltharte daisual thin hringnun kawng bumboh ka dai sual lohna tura ka Pa min zirtirna thu te chu ka han ngaihtuah chhuak thar a, min beisei loh dan leh an duhloh dan zawnga ka awm thin châng a min zilhhauna awka te, ngaihpawimawh loh theih loh an thu pek nêm leh khauh ru tak si te pawh chu!   Nunkawng tha lam ka zawh theihna tura  Hmangaihna nena min enkawltu an nih avangin ka tan chuan an ropui a ni tih hi ka thinlungah ka nemnghet nawn leh a. An mutui lai chu lawmthu va hrilh mawlh mawlh mai tak ka nâp a, mahse chu em chu fapa lungmawl  hian a tlin lo a ni!

Thlifim chuan kawmthlang te inchunga ruah tui tling chu a chhem fawn delh delh a, chu tuiah chuan zan lalnu hlimtha pawh fiahlo ruaia lang phe hlap hlapin ka hmu bawk a. Kei chu inchungsang lamah ka lo dak leh vauh vauh tawh. Ni hnih thum lai to ruahtui bua chuan boruak chu a ti vawt deuh vur a, ka suangtuahna bawk chu kawmin ‘Hringnun hi enge?’ tih te mahni ka han inzawt zui zel a. Mizo hla lenglawng, 

“Aw engan nge maw Khuanu hian

Hringnun hi a lo duan le?

Thamral leh mai tur hian em ni le,

Duh vang rengin kan piang silo!”

tih hla chu ka rilru a sak pahin a phuahtu pa rilru tur te ka han suangtuah chhin a. “Ringtute tan chuan Hringnun duan a nih chhan hi chiang reng mahse ring ve silo te tan hian enge maw a hlutna le..?” tihte ka ngaihtuah zel a. Mi chanhaite leh riangvaite tan hlei hlei hian ‘he hringnun hi engvanga duan nge?’ tih zawhna hi chhan a har dawn hian ka ring a ni. Duh vang rengin kan piang si lo! Chutah chuan heti hian mahni ka inhrilhfiah ta a-

“Hringnunah hian chhuk leh chho tamtak paltlang tur a awm a, kham leh suãr tàwn tlang tur tam tak a awm bawk. Chu harsatna hrang hrang lo thleng reng thin chu tu emaw mi chak tak rinchhan lo chuan tawrhthiam theih a ni ngai lova, mahni chakna chauh ringa Hringnun kawng hi zawh dik chi rual lah a ni hek lo. Duh vang reng a piang lo inti hringmi te hian, A duh vang renga min siamtu chakna chauh rinchhan a kan neih loh chuan, Hringnun a tuifawn nasa tak hi kan do zo lovang a, khawvelah min len bo mai dawn a lo ni. Rinchhan tur dik rinchhan tlattu chu mi vannei ber leh Hringnun awhawm neitu a lo ni mai dawn a nih hi!!..” tiin.

Mumang thlenga chu ka rilru vakvel chuan min umzui hnuin ka han harh hlawl a, ka sana chu zing dar 8 kawk vâ chungin chhuatlaiah a lo let reng mai a!...

Guide Me

Hmani zing chu ka thianpa mu ka han kaitho a, a computer ka khawihkual sak naah Mizo thalai tute emawni (Murphy, Joe Dirt ft Emily an inti) A Song title - Guide Me, Gospel Rap ni awm tak hla hi a lo nei a, a nalh reuh lutuk e a tia, kan copy ve thla ngawt a.. Ka haw hnuin thildang tih pah mai maiin ka han ngaithla a, an hla verse hmasa ber chu english a ni phawt, a nalh pangngai viau.. Verse tawplamah chuan he hlathu te hi an rawn zep zeuh a, ka ngaithla nawn leh a.. a hlathu hriat chian tumin ka ngaithla nawn leh.. A hla thu te chu ka duh reuh ta em em mai a, a Rhyme a inlalawn nalh ve reuh hle.. Heti hian an han phuahchhuak reuh a -

Misuaksualte vanneihzia ka hmuh in,

Uangthuangho chu ka awt si a.

Ka nunin thil tha tih a duh in,

nawmchenna ka thlah a ngai si a.

Nun a beidawng khawvelah hian;

lawmna a kin fo he leiah hian.

Sual kawng ka zawh, ka nun bawlhhlawh 

paihthlak tumin ka bei thin tawh.

Mihring chakna theihna mai chuan

A tlin silo min puih loh chuan.

Ka Lalpa chakna rinchhanin,

min chhandam tawhna avangin,

Hmalam panin ka kal zel dawn,

Ka tan tawh dawn ama duhzawng

Ka van Pathian khi a nghing lovang,

Isua hnenah chuan ka him reng ang.

A ni ngawt asin. Keini ai pawha fel vak bika kan hriat loh, Pathian trihna neilo ve tak tak te ei leh bar zawnna kawnga an tluang purh mai han hmuh te, Pathian hnena inhlan tawh ka nih avanga ka tih ve thiang tawhlo khawvel nun chen a hlimhlawp bawl ho te han hmuh chang hian an hlimhmel in an nun hi awhawm tih chang ka nei fo thin.Mahse Pathian hnung ka zui chuan heng nawmchenna te hi ka thlah a ngai si a. Nitina kawngdik zawh a Ama duhzawng tran tlat hi mihring chakna ringawt chuan a van har thin em! Mahse Lalpa chakna rinchhan chung chuan ka thei a ni. Hmalam panin ka kal zel anga, ka sirah thlemna tui nasa taka lo fawnin thlipui nasa tak in min nuai mahse, chung thilte chu en lovin ka himna tur Krista chauh chu thlir chungin he  hringnun Jordan lui hi engtikah emaw chuan ka la daikai ngei ang.

A her zel ang

Siamtu chuan ka ruangâm a din hma kum 2000 hmalamah khan ni sarih chhung lekin heti khawpa kan thlakhlelh tur khawvel hi a lo din tawh a, engkim mai famkim vekin a siam zova, thosi inthlahpun dan hunbi te, mihring thisen insemkual dan leh sik leh sa inthlak tawn dan te thlengin awmze mumal tak neiin a lo siam tawh a ni.

Chumi Ni atang chuan he ka khualzinna khawvelah hian mihring chhiarsen lohten vanglai an lo chen tawh a, chutiang zat vel bawk chuan mual an lo liam tawh bawk a ni. Mahni a ka inngaihtuah chang hian mahni inngaihsan hi a lo van awl thin em! Engtik niah emaw chuan he ka nun hian a zinkawng a la zawh tawp ve ngei anga, chumi hunah chuan ka thian min ngainatu te, ka khawsakpui ka chhungte leh ka hmelhriat mi hrang hrang te hi keimah vangin an tap ngei anga, he ka chenna zawlkhawpui pawh hian eng dang tihzai mah rel lovin a ngui ruai dawn hian ka han suangtuah a, dam leh theih ni dawn se chu han thih chhin vel te ka chak hial thin alawm! Engtiang chiahin  nge keimah avang hian mihring mittui a luan a, pangpar engzat a tamin nge ka ruang rawn thuam mawi ang? Ka sulhnu an hrereng tawh tur leh lungleng taka ka chanchin kal tawhte an han sawi vel tur chu! 

Mahse, mahse...  chu mahni hmasial ka mihring ngaihtuahna chu ngaihtuahna fim zawk in rang takin a rawn thlak a, ti hian min rawn thlaksak ta! He Khawvel mihring maktaduai 6000 chuang zinga kei mi pakhat, thiamna chungchuang leh mi te aia chungnung bikna pawh neilo hi.. khawvel ram zau tak kil khata ka lo thih ve avang mai hian a kalphung hi a danglam dawn lova, he khawvel êng ka lo hmuh ve hma kum tam tak ka tel lova hun a lo inher thin ang khan, chu ka thih darkar ah ngei pawh chuan a kal ngai reng in khawvel hi a kal reng ang. Ka chhuan ve thin ka thil tha tihte, mite fak ka lo hlawh ve tawh thinna te pawh chu tukhaw hriat lovin a la thamral mai mai dawn zawk a lo ni. Ka telloh avang hian Pawl inrelbawl dan a buai dawn lova, Ka awm dawn tak loh avangin ka hmun awl chu hnawhkhah lovin a awm kumkhua dawn hek lo. 
Mihring nun hi a tawi a, kan damlai nun chhung hi kan ropui lai tak a lo ni. Kan khawvel a tawp hun a mite hriatzui tur sulhnu ropui hnutchhiah ka nei a nih ngawt loh chuan zawi zawiin hlim taka ka lo chen thinna khawvel atang hian ka hlimthla pawh a la thamral dawn a lo ni. Chutih hunah chuan thangthar leh chhuan thar lo awm zel te zingah chuan kei RIANGVAI hian hriatzui ka hlawh tawh lovang a, chu mai pawh ni lovin, ka piang ve a ni tih pawh hi an hre tawh ngai lovang.